Mahar Thakya Thiha Pagoda

This place is Myanmar historical pagoda. Tourist can visit but there are not many place to visit or take picture.

One of the most underrated Pagoda in Mandalay. Big compound, relatively quiet (it's located inside busy city area), not a lot of people, and most importantly, not over crowded with shops, panhandlers, attractions, etc. Not a touristy place which I think is the best part about this pagoda. You get to experience the real deal of how locals usually visit such pagoda here. If you are here as a local or international tourist, this is a must visit place.

In heart of city,admirable worship to Lord Buddah.

Nice..

Very nice place

Very nice!

peaceful place

Godnes

Peaceful

Quiet

Good place

Peaceful place

La più grande Pagoda di Mandalay nella quale si sta ricoprendo di oro una statua di Budda. Dentro la Pagoda un enorme corridoio pieno di banchetti di artigianato e per fotografare il tempio bisogna pagare...

မန္တလေးမြို့ရှိ မဟာသကျသီဟ ရုပ်ပွားတော်သည် ကုန်းဘောင်ခေတ်နှောင်းတွင် ခရီး ယာယီများခဲ့သော ရုပ်ပွားတော် တဆူ ဖြစ်သည်။ မြတ်စွာဘုရား ကိုယ်စားတော်စား ရုပ်ပွားတော် ဖြစ်သည်။ ဒေသစာရီ များခဲ့သည်ဟု ဆိုရပေမည်။

မဟာသကျသီဟ ရုပ်ပွားတော်
ထိုကြေးသွန်း ဆင်းတုတော်ကြီးအကြောင်း ဖော်ပြရာ၌ ကုန်းဘောင်ဆက် မဟာရာဇဝင်၊ နဂါးဗိုလ် ထိပ်တင်ထွေး၏ ရတနာသိင်္ခရာဇဝင်တို့၌ ဘုရား ဒါယကာများကို ဘိုးတော်မင်းတရား၊ ဘကြီးတော်မင်းတရားဟု ညွှန်းကြသဖြင့် ရှုပ်ထွေးနေသည်။ မှားသည်ဟု မဆိုသာပါ။ ဘိုးတော် ဘကြီးတော် အရှုပ်တော်ပုံကို မောင်ဝိုင်း၊ မောင်ဇင်တို့ အကြောင်းတွင် ဖော်ပြပြီး ဖြစ်ပါသည်။

စစ်ကိုင်းမင်း မောင်ဇင်သည် မဟာသကျသီဟ ရုပ်ပွားတော်ကို သွန်းလုပ်ပူဇော်ရန် ၁၁၈၆ ခုနှစ်ကပင် စတင် မြေပုံကိုင်စေသည်။ ၁၁၈၈ တပေါင်းလပြည့်ကျော် ၃ ရက် (၁၅ မတ် ၁၈၂၇) တွင် ဖယောင်းပုံ ထုတ်ပြီးသည်။ သက်တော်ထင်ရှား မြတ်ဘုရား၏ အတုကို ပီပြင်အောင် သိကြား ဗြဟ္မာတို့သော်မှ တတ်နိုင်မည် မဟုတ်။ ထို့ကြောင့် အဋ္ဌကထာများတွင်လာသော မေတ္တယျ ဘုရားရှင်၏ အတိုင်း ပမာဏ တူကာမျှကိုသာ ပြုလုပ်နိုင်မည်ဟု စစ်ကိုင်းမင်း မိန့်တော်မူ၍ သွန်းလုပ်စေသည်။

စစ်ကိုင်းမင်း၏ ကုသိုလ်တော် မဟာသကျသီဟ ဆင်းတုတော်ကို ကြေးနီ သံ သလွဲ ကြေးစင်ပိသာ ၁,၆ဝဝ၊ ငွေသပြာ ၁ဝ,ဝဝဝ (ပိသာ ၁ဝဝ)၊ ရွှေသပြာ ၁,ဝဝဝ (ပိသာ ၁ဝ)၊ အစုစု ပဉ္စလောဟာချိန် ပိသာ ၁၆,၁၁ဝ နှင့် သွန်းလုပ်သည်။ စေတနာ ထက်သန်လွန်းသော စစ်ကိုင်းမင်းသည် ရွှေသားကလပ်ပါ သောက်တော်ရွှေဖလား၊ ရွှေသားကလပ်ပါ ရွှေကြုတ်တော်များလည်း ထည့်သည်။ မိဖုရား၊ မင်းညီ မင်းသား မှူးတော် မတ်တော်တို့ကလည်း ရွှေဖလား၊ ရွှေကလပ်၊ ရွှေအုပ်ဆောင်း၊ ရွှေထုံးဘူးများကို အသီးသီး ထည့်သွင်း လှူဒါန်းကြသည်။ ဖိုတထောင်ဖြင့် တပြိုက်နက် ကျိုချက်၍ ဘုရင်ကိုယ်တိုင် ရှေးဦးစွာ သွန်းလောင်းသည်။ ထို့နောက် မင်းညီမင်းသား မှူးတော် မတ်တော်များက သွန်းလောင်းရသည်။ ရုပ်ပွားတော်၏ အမြင့် ပမာဏ ကိုးတောင် နှစ်မိုက်၊ ထက်ဝယ် အချင်းပမာဏ ခုနှစ်တောင် တမိုက် လေးသစ်၊ ဓမ္မခဏ် နေရာတော် ရှစ်တောင် တမိုက် လေးသစ်၊ အမြင့် နှစ်မိုက် လေးသစ်၊ မောင်းတော်လုံးပတ် သုံးတောင် နှစ်မိုက် လေးသစ် ရှိပြီး လက္ခဏတော် ကြီးငယ်တို့ဖြင့် သပ္ပာယ်သည်။ မဟာသကျသီဟဟု ကမ္ဗည်းတော် မော်ကွန်းတပ်သည်။ ကိန်းဝပ်တော်မူရာ တည်နေရာသည် ရတနာပူရ အဝရွှေနန်းတော် နံတော်သင့်ရာ မဟာမြတ်မုနိ (မဟာမုနိ မဟုတ်ပါ။ ညောင်ရမ်းမင်းတရား တည်ထားကိုးကွယ်ခဲ့သည့် မဟာမြတ်မုနိ ဖြစ်ပါသည်) အနောက်လေးထပ် ကျောင်းတော်ရာတွင် ဖြစ်သည်။

ပုံဂံမင်း မောင်လူကလေး နန်းတက်လာသောအခါ သူ၏ ဘကြီးတော် ဖြစ်သော စစ်ကိုင်းမင်း သွန်းလုပ် ကိုးကွယ်ခဲ့သည့် မဟာသကျသီဟဘုရား ကိန်းဝပ်သည့် အုတ်ပြဿဒ် ပျက်စီး ယိုယွင်းနေပေပြီ။ ပုံဂံမင်းသည် မိဖုရား မင်းညီမင်းသား မှူးတော်မတ်တော် အပေါင်း ခြံရံလျက် ဖော်တော် သမ္ဗန်တော် လှေတော်များဖြင့် ထွက်တော်မူ၍ မဟာသကျသီဟ ရုပ်ပွားတော်ကို ပင့်ဆောင်သည်။ အမရပူရမြို့ အနောက် မဟာဝိဇယရံသီ စေတီတော်၏ တောင်ဘက် မြေလွတ်မြေလပ်တွင် မဟာရံ တံတိုင်း မီးတားနှင့်တကွ ဘုံငါးဆင့်ရှိသော ကြီးကျယ် သာယာစွာသော တန်ဆောင်းရွှေပြဿဒ် ဆောက်လုပ်၍ တည်ထား ကိုးကွယ်သည်။ မဟာသကျသီဟ ရုပ်ပွားတော်သည် အမရပူရမြို့တော် အနောက်တောင်ယွန်း တောင်သမန် အရပ်တွင် ကိန်းဝပ်တော်မူရပြန်သည်။

မဟာသကျသီဟ ရုပ်ပွားတော်၏ ဒေသစာရီကား မပြီးဆုံးသေးပေ။ သီပေါမင်း မောင်မျိုးဆက် လက်ထက်တွင် ရုပ်ပွားတော်သည် ရတနာပုံ နေပြည်တော် မန္တလေးသို့ ဒေသစာရီ ႔ကရပြန်သည်။ ရုပ်ပွားတော် ယခု ကိန်းဝပ်တည်ရှိရာ နေရာသည် ရွှေမြို့တော် အနောက်ပြင် အောင်နန်းရိပ်သာရပ်၊ မလွန်ဈေး မြောက်ဘက်တွင် ဖြစ်သည်။ ထိုနေရာသည် မင်းတုန်းမင်းတရားကြီး ထီးနန်းမရမီက နေထိုင်ခဲ့သော အိမ်တော်ရာ ဖြစ်သည်။ မင်းတုန်းမင်း၏ အလယ်မိဖုရား ဆင်ဖြူမရှင်သည် မဟာသကျသီဟ ရုပ်ပွားတော်ကို အဝမြို့တော်၌ တည်ထား ကိုးကွယ်ခဲ့သော စစ်ကိုင်းမင်း၏ သမီးဖြစ်သည်။ ထိုကြောင့် သမက်တော် သီပေါမင်းသားအား မဟာသကျသီဟ ရုပ်ပွားတော်ကို တောင်သမန်အရပ်မှ ရတနာပုံ နေပြည်တော် အနောက်ပြင် အောင်နန်းရိပ်သာရပ် မလွန်ဈေး မြောက်ဘက်ရှိ မင်းတုန်းမင်းသား၏ အိမ်တော်ရာသို့ ပင့်ရန် ရွှေ့ရန် အမိန့်ပေးသည်။ ထိုနေရာတွင် ဆင်ဖြူမရှင် မိဖုရားက ရုပ်ပွားတော် အတွက် ဂန္ဓကုဋိပြဿဒ် တည်လုပ်သည်။

ထိုဂန္ဓကုဋိ အုတ်ပြဿဒ်သို့ ရုပ်ပွားတော် ပင့်ဆောင်ရန် အလုပ်အဆောင် အခမ်းအနားများကို ဝန်ရှင်တော် သေနတ်ဝန် လယ်ကိုင်းမြို့စား (ကင်းဝန်မင်းကြီး)၊ ဝန်ထောက် ဝက်မစွတ်မြို့စားတို့ ကြီးကြပ် စီရင်ရသည်။ ၁၂၄၆ ပြာသိုလဆန်း ၂ ရက် (၁၈ ဒီဇင်ဘာ ၁၈၈၄) နေ့တွင် တာဝန်ကျ ဝန်ကြီး ဝန်ထောက်တို့ ဦးဆောင်လျက် ရုပ်ပွားတော် ကိန်းဝပ်သော မူရင်း ဂန္ဓကုဋိ တန်ဆောင်းကို ဖျက်သိမ်းကြသည်။ ယင်းနေရာမှ အမရပူရမြို့ တရုတ်တန်းလမ်းအရောက် မြေနတ်လမ်းဖို့ ညှိရန်၊ ရုပ်ပွားတော်တင် စွတ်ဖား ပြဿဒ် လုပ်ဆောင်ရန် အလုပ်များကို ဝန်ထောက် ဝက်မစွတ်မြို့စားနှင့် စာရေးကြီး မောင်ဘိုးလှိုင်၊ အသုံးစာရေး မောင်ကြီးညိုတို့ ကြီးကြပ် လုပ်ဆောင်ရသည်။

မဟာသကျသီဟဘုရား

ကြေးပိဿာချိန်ပေါင်း ၁၆၁၁၀ ရှိတဲ့ မဟာသကျသီဟ ရုပ်ပွါးတော်မြတ်ကြီးက ၈၅လမ်း၊ ၃၀×၃၁လမ်းထောင့်မှာ ကိန်းဝပ်စမ္ပါယ်လျက် ရှိနေပါတယ်။ ဘုရားဒါယိကာကြီး ဘကြီးတော် စစ်ကိုင်းမင်းက အင်းဝနေပြည်တော်က လေးထပ်‌ကျောင်းဆောင်ကြီး တည်ရှိတဲ့ နေရာမှာ အုတ်ပြဿာဒ်တည်ဆောက်ကာ ကိုးကွယ်ထားရှိခဲ့ပါတယ်။ သက္ကရာဇ် ၁၂၀၉မှာ ပုဂံမင်းဟာ သကျသီဟ ရုပ်ပွါးတော်ကြီးကို အင်းဝမြို့ဟောင်းကနေ အမရပူရကို တစ်ကြိမ်၊ သက္ကရာဇ် ၁၂၄၆မှာ သီပေါမင်းဟာ ဖခမည်းတော်ဖြစ်တဲ့ မင်းတုန်းမင်း မင်းသားဘဝက စံမြန်းခဲ့တဲ့ အိမ်တော်ရာမှာ တစ်ကြိမ် ပြောင်းရွေ့ ကိုးကွယ်ခဲ့ကြပါတယ်။ ဘုရားဝန်းအတွင်းမှာ မာန်အောင်မြင်နဂါးရုံ ဘုရား၊ ကျိုက်ထီးရိုးပုံစံငယ်ဘုရား၊ ရေဆန်ဘုရားတို့အပြင် ဘိုးတော်ဘုရားရဲ့ သားတော် ပြည်မင်းသားလှူဒါန်းခဲ့တဲ့ ခေါင်းလောင်းတော်ကိုလဲ တွေ့မြင်ဖူးမြော်ရမှာ ဖြစ်ပါတယ်။

Aung Ta Khun - 2
Bean Trading

🙏🙏🙏

လမ္း ၃၀၊၈၅ လမ္း ေထာင့္ေရာက္ရင္ဝင္ဖူးဖို႔မေမ့နဲ႔ဦးေနာ္

စိတ္၏ ေအးခ်မ္းမႈမ်ားကို ဘုရား၀င္းအတြင္းမွာ ရရွိႏိုင္ပါသည္။

မင်္ဂလာရှိပါသည်