Kotvogur

Fornt býli og í raun eitt stærsta býli á Íslandi á 19. öld. Nú er ekki mikið eftir af býlinu, hluti þess brann í byrjun seinni heimstyrjaldar. Í Kotvogi var búið til 1984 eða þar um bil. Ég var nýkominn með bílpróf um 1990 og þá fórum við oft í bíltúr í Hafnir og skoðuðum m.a. Kotvog. Þá var hægt að fara inn í húsin og skoða gamla hluti og dót sem síðustu ábúendur skildu eftir. Húsið sem stóð næst kirkjunni hefur fallið einhvern tímann á árunum 2018-2022. Í raun sorglegt hvað lítið er um minnisvarða eða skilti við Kotvog því býlið er merkilegt. Austan við Kotvog er brunnur sem nú er horfinn í gróður. Hann mætti varðveita því húsunum verður varla bjargað úr þessu.