شعبيات جبل اجا

اصناف حلوه والأسعار معقولة

اقيم بنا يبرئ ذمتي انا اسره منتجه متعامله معاهم ولله الحمد منتجاتنا ماشيه والتعامل مع صاحب المحل راقي والدفع مستمر ومتفقين مع صاحب المحل على طريقة الدفع ولو حصل تأخير عن الوقت يوم لظرف مقدرين الوضع والحساب كامل حتى بعد التأخير ولله الحمد صاحب ذمه وبتوفيق لهم يارب

الناس ما قصروا بالتعليقات ولكن مع هذا بكتب المراجعة ((( لا احد يتعامل مع هذا النصاب الحرامي وربي شاهد على كلامي واقسم بآيات الله انه نصاب وما سددني ولا مره ويعطيكم اعذار وبعدها يسحب عليكم انتبهوا انتبهوا منه الله لا يوفقه وجعل كل هالفلوس ما تكفي علاجه ولا يبارك له لا في ماله ولا عياله ويوم يدفن ما يلاقي اللي يوقف على قبره ويترحم عليه )))

نصابب مايعطي فلوس اللي ينباع واذا جيته قالت ماعندي شي طيب فلوس الحلويات اللي انباعت وين راحت !!اللي تبي تشتغل تشتغل مع طمعه محل عندهم. ذمه ويعطون بيومه فرررق عن النصاب هذا مانقول الا حسبي الله عليك

تجربه فاشله جدا انسان عديم الاحترام عديم الانسانيه تلفض علي عشان طالبت بفلوسي حق بضاعه باعها بقيمه 160 ريال ورفض وماطل بي اربع شهور كل يوم عذر ياموقف الحساب معلق زحمه مشغول من هالاعذار مادري كيف تستحل شي مو من حقك هذا وانت ابن البلد ابن الديره والله ان الاجنبي ارحم منك وارحم من الالفاض الي سمعتها منه مادري وين الضمير وين الدين ماقول الا حسبي الله ونعم الوكيل

الله لايحله ولايسامحه جعلها ماتكفي علاجه الحرامي يكفي انه حتى رد مايرد وياكلون فلوسنا ويقول الحساب مافيه شي طيب حقنا ليش تصرفه بدون اذن منت محلل ولا مسامح

حطيت نجمه على شان يطلع تعليقي خواتي اللي يطلبن هالنصاب كل وحده تقدم شكوى على صاحبة المحل تروح للمحل و تصور رخصة المحل و تقدم شكوى عليه بالمحكمه اونلاين و تعقد الجلسه وانتي بالبيت و يوقفون حسابات المره اللي بأسمه المحل انا قدمت شكوى عليه و جاب حقي غصبن عليه

حسبي الله ونعم الوكيل فيه، اطلبه ٣٠٠ ريال نصاب قسم بالله قعد يماطل ويحلف ولكن حسيبه رب العالمين الله لايحله دنيا واخره .

حطيت نجمه حتى يطلع تعليقي ولا هو مايستاهل يذكر محله علشان هالمسلمين حتى مايتوهقن مثل ماتوهقهت هالحين لي ٤ شهور ماعطاني فلوسي كل مرسل يقول مافيه حسبي الله عليه ونعم الوكيل فيه انواع المماطله اول شهر يعطي بعدين يوهقك

نصاب كبير حسبي الله عليه ونعم الوكيل انتبهوا منه لايحط احد منتجاته عنده ..
الله لايبلانا مابلاه …

حسبي الله عليه ونعم الوكيل ياناس هذا نصاب ويتهرب مايعطي الناس حقه وعذره حسابي موقف ولنا شهر على هالحاله الله لا يوفقه ولا يحله ليوم الدين

تعبنا مطارد وراه مكالمات وواتس وحتى جيناه وطلع وخلانابالمحل ولا فيه اي فايده ولا سدد ولا ريال ومحادثاته وتسجيل كلها عندي
لكن مانقول الا ربي يطيحه بشر اعماله ويضيق عليه برزقه
واللي تبي التعامل الصادق تشوف لمحل طعمه امانه واخلاق وتطوير مستمر الله يبارك لهم

المحل مثل الخرا و ينصب على الناس و ما يحترم احد و يغلط على قبائل الناس سعوديين و الاجنيين لاكن في الي يربونه

حطيت نجمه عشان يطلع تعليقي بصراحه رجل مخادع ومماطل كثير الوعد وقليل الوفاء الله يعين اللي يتعامل معه

حسبي الله ونعم الوكيل الله يريني فيه عجائب قدرته
للاسف الاسر المنتجه ضحيه هالنصاب لكن ربك يمهل ولايهمل

حسبي الله عليك كانك مناشبنا على رزقنا نحط عنده حلويات ولا يعطينا فلوسنا مانزلنا عنده الا حنا محتاجين الله لا يبارك لك ولا يسامحك

هذا نصاب مايعطي الاسرة منتجة حقهم انا لي فاتوره من سنين يماطل ويتجاهل رسائلي الله لايوفقة

نصاب يسرق فلوس الأسر المنتجة
نصيحة للخوات لا تنزلين عند هالمحل

بالأضافة ماعندهم فاتورة الكترونية
و لا صرافة مدى
بلغوا عليه 😅🏃🏻‍♂

الأسر المنتجة لا تنزلون عند أي محل إلا تاخذون حسابكم مقدم ، أو تاخذون فاتورة تضمنون حقكم بكل مكان .

بجيح وفوق شينه قوات عينه يرادد الحريم كانه هو اللي ماخوذ حلاله قسم بالله مايستحي وجههه انتبهوا تنزلون عنده شي