مكتب الأحوال المدنية بمدينة بريدة |Civil Status Office in Buraidah

كل الشكر والتقدير للقسم النسائي في مكتب فرع العثيم مول على تعاونهم وتفانيهم في خدمة الوالدة الله يعافيهم ما قصروا أبد أبد أبد ، وكذلك الموظف المسؤول عن القسم النسائي (عند البوابة) هو من سهّل لنا عملية التواصل بيني وبين القسم النسائي ألف ألف شكر للجميع.

(قسم الرجال) بكل أمانة يستاهلون خمس نجوم
أما (قسم النساء) فلا يستحقن ولاحتى نجمة واحدة ، تعقيد إلى أبعد الحدود على أشياء تافهة ، ومحاولة إرجاع وعرقلة المراجع لأتفه الأسباب .

تعامل الموظفات راقي وخدمتهم سريعة👍🏻

أشكر جزيل الشكر موظفات مكتب الأحوال المدنيه بالعثيم مول لما لآقيناه من سرعة إنجاز إصدار بطاقة الهويه ل ابنتي وبشاشة الوجه ورحابة الصدر حسيت انهم يخدموني وهم أسعد مني بإنجاز العمل لهم مني خالص الدعاء بالتوفيق

الموظفين خلوقين جداً جداً وخدومين
بيض الله وجيههم

ماشاءالله تعامل الموظفات عسل وراقي ومرتب ومحترم

قسم النساء فرع العثيم مول ببريدة اشكر جميع الموظفات لتعاملهم الراقي ماشاءالله جميعاً ذوق وأخلاق راقية الله يوفقهم ويسعدهم جميعاً مع الشكر لجميع الموظفات دون استثناء

زرتهم لاستخراج بطاقة فاقد للوالدة، الخدمة سريعة والموظفات بدايةً من اللي عند الباب حتى كاونتر التصوير أسلوب لطيف وسلسل بالتعامل.
جزى الموظفات خير الجزاء.

امس كنت عندهم وخدمتهم كانت حيل حلوه خاصه الموظفه نوره العمرو الله يسعدها ويوفقها ويكتب لها الخير 🥹♥♥

بكل صدق والله الموظفات جداً عسل وخدومات وسريعات مع العملاء والمواعيد ، ويحاولون بقدر الامكان يخلصون شغلهم باسرع وقت ممكن ، وبشوشات الصراحه لكن مدري ليه السب اللي قريته بالتعليقات

شكرا للموظفات في فرع العثيم تعامل راقي وبالذات الموظفه الجميله الانيقه طرفه 🩷

مبدئيًا ودي أتكلم عن اللي ترد على التلفون، ذوق ذوق أتعب وأنا أقول ذوق تبارك الرحمن وجدًا متعاونة !
واللي تصور للبطاقة تهبل حليلة مرة ولو ما أعجبتك الصورة تعيدينها .. صراحة الفرع رهيب وكل الكادر اللي فيه متعاونين وبالهم وسيع 🤍

ماشاء الله تبارك الله عليهم اخلاق جميله الموظفين الله يجعلهم مباركين أينما كانوا بالتوفيق اسعدكم الله

الفرع موجود بالعثيم مول الدور الثاني اقرب بوابة له ٢ وبوابة ٦ من الجهه الخلفية
دخلت الفرع الساعه ٩:١٠ اخذو بياناتي وانتظرت بالانتظار شوي بعدها نادتني الموظفة اخذت وخلصت اجراءات تجديد الهوية الموظفة بشوشة وتشاورني بالصورة اذا اعجبتني او لا جدا محترمة واخلاقها عالية الله يسعدها الموظفة زينب الطويرقي خلصت ولما وصلت السيارة شفت الساعة ٩:٢٧ صراحة الله يعطيهم العافية ماتاخرت ولا غثوني

تعامل رائع وقمة بالاخلاق والموظفة تضغط على نفسه باخر الوقت حتى تسوي لي معاملة تاخذ منها وقت طويل والسرعة والتعاون شي يشكرون مايمديني ادخل الا دوري جاي تجديد الهوية ما اخذ مني غير سبع دقايق من الدخول للخروج شكراً كل موظفة موجودة بالفرع

الله يجزاهم خير خدومين بالحيل بالحيل ، ولايهون ابوسنون جدد بخدمه العملاء ولا حق التصوير ماقصروا ابد

توي استلمت بطاقتي و كنت متخوفه من التعليقات و سوء معاملة الموظفات، دخلت حصلت اللي قدامي تهدد الموظفة بإنها بتشتكي عليها لكن مدري مع مين الحق، استلمت بطاقتي من نفس الموظفة كانت عادية جدًا ما لاحظت شيء يستدعي الشكوى، مدري هي كذا او اللي قبلي خوفتها 😭

رحت لهم باخر الدوام وماقصروا معي بخدمتهم وبشاشتهم خصوصا الموظف سلطان التويجري .. الف شكرا لهم

بصراحه شغلهم منظم ومحترمات اغلب الموظفات لكن اشوف انهم مو متفقين ع رأي واحد منهم من يطلب شي وغيرها تقول عادي وتمشي شغلك يعني شخصيات مختلفه وآراء مختلفة وينقصهن قل خبره ومستحيل يعدون شي لازم يعقدون ونروح ونرجع لين تطق كبودنا لو المعامله يسيره ومو معقدة بس لازم يدقرن لنا فيها وربكم يعين

مكتب الاحوال اللي بالعثيم،اتعب واقول راقين وتعامل لبق وسرعة في الانجاز،الموظفات جدا متعاونات،وسرعة انجاز وسمح النفس،الله يوفقهن يستاهلن كل خير