KFS girls school

I was a student there AND IT IS AMAZING

You would not be able to find a better girls school in Riyadh. It's that simple.

Lovely. i sent my boy Sudam there and he loved it

Its mashallah very good

مدارس الملك فيصل للبنات ابتدائي كانت مقرا لمدارس طويق قديما

مدارس عالميه وكل العاملين بها قمه في الاحترام والذوق وكذلك المباني مرتبه ومنظمه

Good school...

Just bad

Very rude administrators

مدرسة تدعي تطبيق نظام الIB فيها وهو منهم براء!
تروح للمدرسة ف ممراتهم رازين ملامح المتعلم اللي المفروض يطبقونها في نظام الIB وبكل مكان حاطين (منفتحين /متسائلين /مهتمين /ووووو)إلى آخره😅
وهم أبعد مايكون عن تطبيقها !طريقة تسويقية لمدرستهم فقط !..اللي يدعون إنهم مثل قسم البنين !
آخر همهم الطالبة كمخرج تعليمي والا شخصيتها أو نفسيتها !
حتى إنجازات الطالبات مو مهم رأي الطالبة فيها والا مدى شغلها فيها أهم شي الشكل النهائي لها حتى لو المعلمة سوت ثلاثة أرباع المشروع أهم شي عندهم الشو والاستعراض عشان ينشر ف حساباتهم !"(شوفوا إنجازات طالباتنا !)"وهي أغلبها مسويته المشرفة ع المشروع وحتى تقسيم الأدوار ظالم بين الطالبات ويتم ترشيح بعض الطالبات لأدوارهم من تحت الطاولة بدون علم الأخريات !!
إدارات الأقسام شكل فقط !لا ناقة لهم ولا جمل !يتلقون الأوامر من الإدارة اللي فوقهم لأنها إدارة مركزية !
نظام الIB بالأساس والمعروف عنه قائم بشكل رئيسي على العمل الجماعي
طيب تجي تشوف وتتابع كيف عملهم الجماعي
المعلمة متكلة على الطالبات والطالبات متروك لهم الحبل ع الغارب والقوي ياكل الضعيف ووضعية تفعيل قانون الغاب !
لا فيه تعليمات ولا توجيهات لأسس العمل الجماعي ولا إشراف من قبل المعلمة تبي تريح نفسها بأي طريقة وتتكل على بعض البنات المتسلطات عشان يخلص العمل بغض النظر شاركت كل الطالبات والا ماشاركت تساووا بالعمل والا ماتساووا وآخر همها ملامح المتعلم اللي يدعون إنهم مطبقينها يعني الطالب المؤدب الراقي مايمشي
مع هالوضع لازم يكشر عن أنيابه ويفرد عضلاته عشان ياخذ حقه وإذا ماسوى كذا راح حقه !..يعني الطالبة المتسلطة أو اللي متعودة ف البيت ينقال لها إنت أحسنهم إنت أولهم إنتِ وإنتِ ..!هي اللي تاخذ نصيب الأسد !..طيب وباقي البنات والا لازم تطالب الطالبة بحقوقها كل مرة ولازم تشتكي الأم كل مرة ؟!
اشتكيت ومافيه أي حلول والقسم الإرشادي وجوده زي عدمه بل بالعكس تطبطب على المتنمرات أكثر وإذا صاحت البنت حتى لو غلطانة تحسب لها ألف حساب خايفة من لسان أمها ! والدليل استمرار البنات بنفس الطريقة لكن الفرق ف كل مرة المعلمة تدري عن الشكوى وتجي تتقعد لك إنت وبنتك وتتعامل معك بقلب أسود !يعني تشخصنها معك وهذا اللي صار مع بنتي وكلما بنتي ناقشتها بشي معين تقولها يلا روحي اشكي الإدارة تطقطق عليها !(ومن أمن العقوبة أساء الأدب ) جميع المعلمات من جنسيات عربية مايصلحون لنظام الIB لا أسلوب راقي تربوي ولا تعليم زي الناس ..زي ما تعودنا من هذي الجنسيات ولا شرح زي ما يتطلبه نظام الIB !!..ماأدري من وين جايبينهم ؟!..سد فراغ بس !
بالنسبة للماث لازم أشرح لها ف البيت وتفهم معاي على طول أما بعد شرح المعلمة أغلب الدروس مافهمتها !حضرت كل لقاءات أولياء الأمور
كله مدح ف بنتي يوم استلمت الشهادة نقص كبير ف الدرجات ف المواد الأساسية الانقليش وبدون سابق إنذار وبدون ذكر أسباب وف كل اللقاءات ولا مرة وروني نتايج وأوراق اختباراتها طيب إيش السبب ماأدري إلى هذي اللحظة !؟
الأنشطة يركز على بعض البنات سبع ثمان مرات ف السنة تجي تطالب لبنتك بجون يحطونك تحت المجهر حتى أحد المرات سحب من بنتي دورها في مناسبة ما ويوم سألت قالوا خلاص شاركت مرتين !نبي نشوف وجوه جديدة !😅طيب وش وضع المشاركات سبع ثمان مرات !
مخرجات التعليم سيئة لا تتناسب مع الرسوم
بنتي قل مستواها عن قبل !مع العلم إن وجودها ف المدرسة تقريبًا سنة !
نقطة مهمة ومضحكة نوعًا ما ف المدرسة إنه لما تشتكي أحد يشخصنونها معك ويردون عليك الصاع صاعين !
يعني على بالك يعالجون المشكلة من أصولها بمهنية ويشوفون وجهة نظرك حتى لو أسبابك وجيهية و ف محلها؟!لا !..على طول يتقعدون لك ويتقعدون لبنتك بشكل مضحك ومثير للشفقة والعجب في نفس الوقت !
أجواء المدرسة سامة خاصة ف الكلاس معلمة الفصل لا تصلح معلمة IB أبدًا منفسة تهاوش أغلب الوقت حتى ف اللقاء التقيت فيها زوم أنهت اللقاء بوقاحة وسكرت الكاميرا بوجهي !لما ذكرت لها مشاكل البنات مع بنتي مع إنها هوم روم تبتشر المفروض تتقرب من البنات تحاول تفهمهم وتحل المشاكل بينهم أجل كيف بتطبق ملامح المتعلم 😂اللي رازتها ف الكلاس ومعلقتها فوق السبورة !حبر على ورق فقط !
أقسم بالله أسلوب دعائي فقط !شو فقط !..لا يستهدفون الطالبة النجيبة والأم والأب الحريصين أبدًا لأنهم عبء عليهم ويتابعونهم ويكشفون فضايحهم والخلل اللي عندهم !يعجبهم اللي ما تسأل والا اللي تشوفهم وبس تمدحهم يبونك تجين تنافقينهم تمدحينهم باللي مو فيهم حتى لو شايفة منهم اللي شايفة !كل الطاقم الإداري من أكبرهم لأصغرهم شخصيات سامة وبيئة سامة و لو تخطيء معلمة ما تخاف ماهمها لأن الإدارة بصفها حتى لو أظهرت الإدارة عكس ذلك !
شي مضحك استغلال اسم المدارس العريق لتمشية مصالح مادية والتسويق لهذا القسم عن طريق التصوير والشو فقط بدون الاهتمام بأهم مخرج من العملية التعليمية وهو الطالبة !

مدرسة أقل ما يقال عنها فاشلة ! المعلمات أسلوبهم سيء جدًا ، الإدارة غير متعاونين ابدا ولا تتخذ الإجراءات اللازمة عند حدوث المشاكل بين الطالبات أو بين الطالبة والمعلمة!!!
هناك تمييز واضح بين البنات حيث يتم الاعتماد على بعض البنات للقيام بالأعمال والمشاريع ولا تستطيع الطالبات الأخريات تنمية مهاراتهن! وهناك بنات يشاركن في أنشطة المدرسة أكثر من غيرهن !
كذلك لا يتم تطبيق نظام ال IB أبدَا ! شكلي فقط
لقاءات أولياء الأمور لا فائدة منها ! حيث أن أغلب المعلمات لا يقدمن ملاحظات على الطالبة ولا عن مستواها الدراسي بشكل واضح و دقيق ! وفي نهاية السنة تتفاجأ بالنقص بالدرجات بدون ذكر أسباب و بدون سابق إنذار!!
لا يوجد محاضرات توعوية أو تثقيفية أو صحية من قبل التوجيه الطلابي للطالبات ولاتوجد قوانين ولوائح للحد من التنمر مما أدى إلى تمادي بعض الطالبات بدون رادع لهن !
قسم البنات استغل اسم المدارس وسمعتها وادعاء وجود نظام الIB فيها للتسويق لنفسها وتغطية عيوبها و جوانب الخلل فيها !
ولكن الشمس لا تغطى بغربال !

اذا تبون الخير لبناتكم فعلا لا تحطونهم بهذي المدرسة لان كل اللي همهم هو الshow بالسناب و الفعاليات اللي ما تشمل كل الطالبات حتى ! اما الدراسة اسوأ من السيء حتى ، ما اخذوا من فرع العيال الا الاسم ...و نظام الIB لا يطبق اطلاقا

مدرسة سيئة جداً لا تتوافق البتّة مع بيئة الآي بي، يهتمون بالمظاهر و ما يظهر بالسوشل ميديا ولا يهتمون بالطالبة!!
highly NOT recommended for your girls!!

لا تعليم ولا بناء شخصيه ولا متعه مدرسة فاشله