Taif Hospital.

A very good hospital in every field and everyone so humble and very good in there job Allah bless you all ameen

Very good quality hospital

A very good hospital in taif city staff is too polite with patient Allah bless on All you....Ameen

Best hospital in taif

One of the best 👍

ولدت عندهم يوم الثلاثاء الموافق 12/12 كانت الخطة طبيعي لكن لاسباب خارجة عن الارادة تحولت الى عمليه. اشكر الدكتورة هناء ابو الخير هي كانت معاي من اول مراجعه الى بعد الولادة وهي تجي تشيك عليا وتهتم، حنونه وصريحة ودكتورة رائعه جدا. اشكر الدكتور ماهر العبادي اسم على مسمى ماشاء الله هو الي سوا العملية لي، اشكر الدكتور محمد طبيب التخدير الي كانت يدة خفيفه جدا وما حسيت الا بوخز بسيط، اشكر طاقم التمريض مروى ورضوى وعبير والدكتورة زينب. كنتوا كلكم فريق رايع. مستشفى يستاهل كل ريال ينحط فيه.

انا ولدت عندهم طبيعي ، غلطتي اني ما جيتهم من بدري ، اخذت عندهم ابرة الظهر وفعلا نعمه عظيييمه عظيييمه الحمدلله دايم وابدا ، جيت على نهايه شفت وبدايه شفت ثاني اول شفت مع دكتوره ايناس الله يسعدها حنووونه حنووونه لابعد درجه ربي يوفقها ويكتب اجرها وبرضو الدكتوره رشا ماقصرو كلهم بالاهتمام والمراعاه والاخلاق الحلوه الي تهون عليك تعبك، و بعدها ولدت مع الدكتوره هناء الخير فعلا اسم على مسمى حلاوة اخلاق وروح وطيبه اسهل ولاده كانت معها ولا انسى الممرضه زوزو الي كانت معي طول الوقت الله يسعدهم ويكتب اجرهم والدكتور تبع التخدير لابرة الظهر برضو الله يجزاه خير يعطيك الخطوات وايش بيسوي عشان ماتخافين وتكونين مرتاحه ، وممرضات التنويم بعد تجاوب سريع و خدمة رائعه بالمجمل افضل مستشفى ولاده في الطايف بعد تجربتي بكذا مستشفى في الطايف

ويشهد الله لو اكتب ميات السطور ماتوفي هالدكتوره حقها وماراح انصفها….
سبحااااان من سخرلي هالدكتوره (ايناس الجراد) يارب يذكرها بالخير ويسعدها ويوفقها وين ماكانت
والله العظيم انها كانت احرص علي حتى من نفسي ♥♥♥♥متخيلين ياامهات احرص علي وتخاف علي اكثر من نفسي!!
انسانه بحق وحقيقه تخاف الله وامينه في وظيفتها ومتمكنه ماشاء الله تبارك الرحمن عليها كل ماتذكرت ولادتي وصعوبتها والالم الله يكتب اجر كل ام وكيف تعبت فيها ادعي لها كانت معاي اول بااول وتشجعني وتحفزني على الولاده الطبيعيه ونفسيتها ماشاء الله كيف حلوووووه وصبورهه والحمدلله بفضل من ربي ولدت طبيعي
ويارب يارب توفقها وتسعدها وماكتبت تعليقي ذا الا والله طالع من اعماق قلبي وقليل في حقها
الف الحمدلله والشكر لله سبحانه ان ولدت بسلامه وشكراا جدا لدكتوره ايناس الجراد وكمان ماانسى الطاقم البنات الجميلات الصبورات الله يسعدهم اللي بالولاده جدا جددددا تعبو معاي شكرا لكم جميعاً♥♥🫶🏻

تجربة ولاده رائعه اللهم لك الحمد الفضل لله ثم للدكتوره ايناس الله يكتب اجرها حنونه و صبوره بشوشه و اخلاقها عاليه♥ و ايضا الممرضه ايمان عسل معي طول فترة الولاده اهتمام الله يسعدها ما تركتني لحد ما طلعت التنويم .. و الدكتوره الانيقة رشا بلسم .. توفقت بطاقم رائع الحمدلله 🤍

المستشفى رائع جدا ولدت فيه قبل شهرين بصراحة كنت متخوفة و قلقة جدا كونه جديد و بعد الاستخارة توكلت على الله و ولدت عندهم و اشكر جميع الطاقم الطبي و الحضانة على الرعاية و الخدمة الجميلة لكن لدي ملاحظتان ارجوا اخذها بعين الاعتبار:
1/بعد الولادة لابد من توفير بطانية ثقيلة حتى لا تشعر الولاد بالبرد انا بعد ولاتي كنت ارتجف من شدة البرد و للآسف البطانية كانت خفيفة جدا و زكمت على طول
2/الغرفة الي تنومت فيها كان مقبض باب الحمام خربان. اتمنى التوفيق لمُلاك المستشفى و الطاقم الطبي....

الحمدلله توفقنا في اختيار المستشفى
كل الشكر والتقدير للطاقم الطبي كافة على احترافيتهم وانسانيتهم، كما أخص بالشكر كلاً من:
الأطباء/ د/هناء، د/سمية، د/ إيناس، د/ ماهر د/محمد في الحضانة، د/ عبدالكريم طبيب التخدير
التمريض/ زوزو، أسماء، مروى
كانوا حريصين ومهتمين جدًا
ولايهونون البقية
الاستقبال متواجدين دايم، المختبر مافيه أي تأخير، قسم التنويم نظيف والممرضات متواجدين، عمال النظافة على مدار الساعة.
الله يعطيكم العافية ويكتب لكم الأجر

بكتب تجربتي ولو انها متاخرة
ولدت عند دكتورة ايناس وكنت طول فترة الحمل ادعي باني اولد عند احسن دكتورة بالطايف مع اني ما اعرفها ولا قد راجعت عندها لكن صدف ان يكون شفتها ع وقت ولادتي هي ودكتورة رشا العسل تعاملهم رائع و امينين جدا
اتمنى من كل قلبي المستشفى مايتغير ويبقون على ذي المصداقية لان ماعندنا بالطايف مستشفى زين
طاقم الممرضات كلهم مصريات وحنونات الله يسعدهم ويكتب اجرهم يارب

ولدت قبل شهر عند الدكتورة ايناس، كانت رائعة جداً وحنونة ومتفهمة وتطمن بكلامها وهدوءها، و معها الممرضة ايمان وممرضة تونسية نسيت اسمها وكلهم رائعات وخلوقات، المستشفى ممتاز واهتمامهم ممتاز طيلة مراجعاتي معهم ثم ولادتي بحمد الله

الله يعطيها العافيه دكتوره سميه . كانت مضغوطه وعندها ولاده وأستأذنتها إذا تقبلني ووافقت . وتعاملها جبر خاطر الله يجبر خاطرها ويعطيها مايرضيها . فعلا مو خساره المدح على ذا المستشفى . شكرا دكتوره سميه

خمس نجوم قليل في حقهم
فيهم من الأخلاق في التعامل والحرفيه والخبره
ما يجعل الشخص يرجع لهم مره ثانيه
سوا الدكتور ماهر او الدكتور المصري نسيت اسمه
العمليه قيصريه كانت في ٢شهر ٥ ٢٠٢٣
والسنه هاذي راجع لهم مره ثانيه ان شاءالله
وصلت لمرحله ماعاد ادور عن مستشفى بديل او أماكن أخرى
وارؤح لهم من الباحه
لكم تحياتي

اكتب تجربتي بعد معاناتي من مستشفيات الطايف .. الصراحه مستشفى الطايف الطبي من افضل المستشفيات الي بتولد لاتترددين ثانيه تروحيينننن نصيحه .. ولدت عندهم قبل اسبوع طاقم طبي مُحترف رحت لهم نفسيتي منهاره والله العظيم يهدونك ويطمنون المريض ويساعدونه وبشوشين كل الطاقم دكتوره ايناس قمة الادب والاخلاق ودكتوره رشا ععسسل عسسل وحنونه جداً وصبوره عليك ودكتوره هناء متعاونه وحبوبه كلهم كانو يراقبون حالتي لين ولدت وكانو يتعاملون معي بكل حُب واهتمام ودكتور التخدير والقابله زوز شكراً شكراً 😭 محظوظين ب المستشفى ويارب من اعلى لاعلى يستاهلون يكونون التوب بمستشفيات الطايف 🤍.

دكتوره هناء الخير وفعلا انها وجه خير علي الحمدلله ولدتني ولاده طبيعي بدون ابرة ظهر وكانت متعاونه وتشجعك ويدها خفيفه الحمدلله الله يسعدها ويعطيها العافيه ❤

من لا يشكر الناس لا يشكر الله ❤❤
شكرا من القلب للدكتورة هناء والدكتورة ايناس والدكتور ماهر العبادي واستشاري التخدير وطاقم التمريض الي شفتهم كثير وكل وحده الطف واحن من الثانية
مريت بتجربة كانت صعبة بالنسبة لي لكن كانو لطيفين ومُقدرين وصبورين ومحترمين 🥺
المستشفى نظيف ومرتب وهادئ ولكن في ملاحظة بسيطة الي هي مراتب الاسرة نحيفه ومُتعبه يعني كنت حاسه بالحديده وكلمتهم وغيروها لي على طول
المستشفى مريح نفسياً من جميع النواحي فعلاً نحتاج مستشفيات في ذا المستوى من التعامل والنظافة والاهتمام وسرعة الاستجابة والاطباء الناجحين والاسعار المعقولة
الله يبارك لصاحبه فيه

كلمة حق تنقال الدكتوره هناء رائعه رائعه رائعه الله يسعدها ويجزاها الجنه
اقسم بالله انسانه عظيمه تخلي الواحد يولد عندها وهو متطمن ومبسوط
انا بكريه وكان فيني خوف ومحد شجعني الا هي وخلت تجربتي للولاده من اروع م يكون
والصراحه الطاقم الطبي كااامل تعاملهم اكثر من رائع محترمين جدا واسلوبهم لبق حتى اللي في الاستقبال جداا محترمين الله يسعدهم كلهم وانا جدا شاكره لهم❤

من لايشكر الناس لايشكر الله .. اشكر الممرضه أسماء عبدالله على اهتمامها ورعايتها وعلى اخلاقها العاليه والله اول مره اشوف ممرضه تعاملك وكأنك اختها وتخاف عليك وتنصحك الله يسعدها ويرزقها ماتتمنى مارح ننساك من دعواتنا 💕 فاطمه