Hriati Dawr

Mizoram Kristianna leh Politics : Kan pi leh pu te khan inrelbawina (sorkarna) tha tak an lo neih dan kha Pathian thupek tih lam vang pawh a ni lutuk lova, inkhuahkhirhna dan chak tak leh kengkawhtu tha tak an awm vang aimahin thil dik leh dik lo an tehna fung ber kha midangte tan leh kan nunhona atan a tha angem? tih a ni a. An inzirtirna leh ze tha an chawimawi thin chu midangte tana inpekna rilru leh thiltih kha a ni thin. Ram changkang leh inrelbawina tha avanga ram nuama kan chhalah te pawh hian dan leh hrai tha leh kenkawh that anihna bakah midangte ngaichang leh nunhona ngaih pawimawhna zia hi a bulpui pakhat chu a ni. Mi dawn loh dawn bik te, kan that tlanna tur Dan piah lama lo chet theih viau lam kha an inelna a ni ve loin a lang. Kristian kan lo nih hnu a Kohhran a chetchhuahna tlem te lo tar lang ila: (1) Bawihchhuah chungchang: Kristian ram kan nih hnu khan kan ramah Bawih neih phalna a la awm reng a. Kan sakhaw hnar kaitu tam tak khan an helh em em a. Kan Zosap Missionary Dr. Peter Fraser khan sawrkar chu a khing ta rup mai a. A mah pawhin nasa takin a tawrh phah a. Zoram ringtute nasa takin an lo tawngtai bawk a. Chunglam chuan a mite tawngtaina chu a chhang chiang hle mai. Kumpinu Sawrkar chuan Bawih neih khapna a rawn puang ta. Kan ram chu lawm in a au a ni ber mai. Thanga chuan " AW Lalpa chung nung ber kan fak hle a che" tih hla aphuah ta hial a ni. (2) REMNA KAWNG A ZAWNG: Kum 1966 atang in Mizoram chuan mahni a tal hran duh in Silai lek chhuakin min awp tu India chu a do ta a. MNF movement te pawh kan ti thei awm e. Ram tin hmun tinah inthahna