Fire cafe

كان يا ما كااااان..
...
أبويا ده،،
ودا أنا..
والبقرتين كانوا ملكنا..
والزرع دا.. من جهدنا..
ومن الشجر كاان ظلنا..
ومن السما جااي رزقنا
من ربنا..
وربنا في سعينا.. بارك لنا..
....
يآ ريتكوا جيتوا عندنا
وشوفتوا يوم من فرحنا،،
أو حزننا،،
وعزنا في أرضنا..
كان الغريب قبل القريب،
حتى العدو زي الحبيب،
دايمآ يشارك ظرفنا..
....
كنا بننتج أكلنا،
كان قمحنا من أرضنا،
من جرننا كان خبزنا،
وبقلنا، وفومنا، وعدسنا، ورزنا
من زرعنا..
يعنى الطبيخ من عندنا..
والقطن كان في أرضنا،
واللبس كان من صنعنا،
ودا ستر كان من ربنا..
وعشان كدا،
كان القرار من رأينا..
....
من يوم ما قالوا : عولمة
توهنا، وتاهت أرضنا
عن زرعنا..
من يوم ما قالوا : حوكمة
ضعنا، وضاعت مننا
البقرتين، والفرختين
ما بقوش يا عيني ملكنا، ولا عندنا..
من يوم ما شوفنا الكنتالوووب
و قطننا.. ساااافر خلاص
ما عادش عاجب أرضنا ولا مخنا..
بقى سلاح عدونا
يبيعه لنا..
ويبيع لنا معاه الدوا و معاه سلاح ورغيف يكمل أكلنا..
وأكيييييييد بيصنع رأيناااااااا....
( ابن الريف محمد إسماعيل)

مكان بسم الله ماشاء الله تبارك الله

مكان تحفه جددااا

تت

جميل